संपादकीय, राजेंद्र भुजबळ
साईंची पावनभूमी शिर्डी हे महाराष्ट्रातील एकमेव आंतरराष्ट्रीय तीर्थक्षेत्र म्हणून ओळखले जाते. देश-विदेशातून दररोज हजारो भाविक येथे दाखल होत असल्याने कायदा व सुव्यवस्था राखण्याची मोठी जबाबदारी शिर्डी पोलिसांवर असते. या सेवेत आजवर अनेक अधिकारी आले आणि गेले; मात्र काही अधिकारी आपल्या कार्यपद्धतीमुळे आणि स्वभावामुळे नागरिकांच्या मनात कायमचे स्थान निर्माण करतात. पोलीस निरीक्षक रणजित गलांडे यांचे नाव अशाच अधिकाऱ्यांमध्ये घेतले जात आहे.
◾वाढदिवशी शुभेच्छांचा अक्षरशः वर्षाव !◾
शुक्रवार, ११ सप्टेंबर रोजी पोलीस निरीक्षक रणजित गलांडे यांचा वाढदिवस मोठ्या उत्साहात साजरा करण्यात आला. विशेष म्हणजे हा वाढदिवस केवळ पोलीस ठाण्यातील अधिकारी-कर्मचाऱ्यांपुरता मर्यादित राहिला नाही, तर शिर्डी पोलीस ठाण्याच्या हद्दीतील विविध गावांमधील नागरिक, मित्रपरिवार आणि त्यांच्या चाहत्यांनी त्यांना प्रत्यक्ष भेटून शुभेच्छा दिल्या.
अनेकांनी त्यांच्या आवडत्या अधिकाऱ्याला शुभेच्छा देण्यासाठी बुके, पुष्पगुच्छ, शाल तसेच केक आणले होते. त्यामुळे त्यांच्या कार्यालयात शुभेच्छांसाठी आलेले बुके आणि भेटवस्तू ठेवायलाही जागा अपुरी पडत असल्याचे चित्र पाहायला मिळाले.
◾हा उत्साह नेमका कशाची पावती ?◾
वाढदिवसाला एवढ्या मोठ्या संख्येने नागरिकांनी स्वतःहून उपस्थित राहून शुभेच्छा देणे ही निश्चितच लक्षवेधी बाब आहे. पोलिसांच्या गणवेशाकडे केवळ अधिकाराचे प्रतीक म्हणून न पाहता, एका अधिकाऱ्याशी आपुलकीचे नाते निर्माण होणे, ही त्यामागची खरी भावना असल्याचे नागरिकांमध्ये बोलले जात आहे.
पोलीस अधिकारी म्हणून कर्तव्य बजावताना प्रामाणिकपणा, इमानदारी आणि नागरिकांशी असलेला संवाद यामुळे रणजित गलांडे यांनी अनेकांच्या मनात वेगळी प्रतिमा निर्माण केली असल्याचे त्यांच्या वाढदिवसानिमित्त दिसून आले.
◾शिर्डीच्या इतिहासात असा वाढदिवस चर्चेचा विषय !◾
शिर्डी पोलीस ठाण्याच्या इतिहासात अनेक अधिकारी आले आणि त्यांनी आपापल्या पद्धतीने काम केले. मात्र एका पोलीस निरीक्षकाच्या वाढदिवसानिमित्त नागरिकांकडून एवढ्या मोठ्या प्रमाणात व्यक्त झालेला उत्साह आणि आपुलकी ही निश्चितच चर्चेची बाब ठरली.
त्यामुळे ११ सप्टेंबरचा हा वाढदिवस शिर्डी परिसरातील अनेकांच्या स्मरणात राहणारा ठरला असून, ‘हा वाढदिवस म्हणजे त्यांच्या कामाची पावतीच’ अशी चर्चा पंचक्रोशीत ऐकायला मिळाली.
◾इतर अधिकारी-कर्मचाऱ्यांसाठी प्रेरणादायी काम◾
पोलीस खात्यात काम करताना नागरिकांचा विश्वास संपादन करणे ही सोपी गोष्ट नाही. कायद्याची अंमलबजावणी करताना कठोर निर्णय घ्यावे लागतात, तर दुसरीकडे सामान्य नागरिकांच्या अडचणीही समजून घ्याव्या लागतात.
प्रामाणिकपणे कर्तव्य बजावून नागरिकांचा विश्वास संपादन करता येतो, हे रणजित गलांडे यांच्या कार्यातून दिसून येत असल्याचे त्यांच्या हितचिंतकांचे म्हणणे आहे. त्यामुळे त्यांची कार्यपद्धती निश्चितच इतर अधिकारी आणि कर्मचाऱ्यांसाठी प्रेरणादायी ठरू शकते.
◾शिर्डी MIRROR परिवाराकडून सत्कार◾
या विशेष दिवसाचे औचित्य साधून शिर्डी MIRROR परिवार तसेच मित्रपरिवाराच्या वतीने पोलीस निरीक्षक रणजित गलांडे यांचा सत्कार करून त्यांना वाढदिवसाच्या मनःपूर्वक शुभेच्छा देण्यात आल्या.
नागरिकांच्या मनात स्थान निर्माण करणाऱ्या या अधिकाऱ्याला शुभेच्छा देण्याची आणि त्यांचा सत्कार करण्याची संधी मिळणे, हीच आमच्यासाठी आनंदाची आणि अभिमानाची बाब आहे.
पोलीस निरीक्षक रणजित गलांडे यांना वाढदिवसाच्या हार्दिक शुभेच्छा !
त्यांच्या हातून अशीच प्रामाणिक, निःपक्षपाती आणि जनहिताची सेवा घडत राहो, हीच साईचरणी प्रार्थना !
राजेंद्र भुजबळ
शिरडी MIRROR
संचालक, मुख्य संपादक शिर्डी.
8888777711
